Argentínska knattspyrnugoðsögnin Diego Maradona er kominn í ansi óvænt nýtt starf. Maradona skrifaði undir þriggja ára samning við Dynamo Brest frá Hvíta-Rússlandi og verður hann nýr forseti félagsins.
Maradona mun auk þess hafa yfirumsjón með stefnumálum félagsins og m.a. yngriflokkastarfi þess. Maradona byrjar í nýja starfinu eftir HM í Rússlandi.
Argentínumaðurinn er 57 ára og hefur komið víða við eftir að hann hætti að spila fótbolta. Síðast þjálfaði hann Al Fujairah í Sameinuðu arabísku furstadæmunum.
Dynamo Brest endaði í 8. sæti hvít-rússnesku deildarinnar á síðustu leiktíð.