Zlatan Ibrahimovic, framherji LA Galaxy í bandarísku MLS-deildinni í knattspyrnu, fékk að líta beint rautt spjald í leik liðsins gegn Montreal Impact í kvöld fyrir að slá til Michael Petrasso, leikmanns Montreal.
Atvikið átti sér stað á 39. mínútu leiksins en Petrasso virtist stíga óvart á framherjann, með fyrrgreindum afleiðingum. Zlatan brást reiður við og sló hann í andlitið en dómari leiksins studdist við myndbandsupptökur, áður en hann rak Svíann af velli.
Leiknum lauk með 1:0 sigri LA Galaxy og var það Ole Kamara sem skoraði eina mark leiksins á 75. mínútu en liðið er í fjórtánda sæti deildarinnar með 13 stig eftir fyrstu ellefu leikina.
Myndband af atvikinu má sjá hér fyrir neðan.