Inter að kaupa lykilmann Roma

Radja Nainggolan er á leið til Inter.
Radja Nainggolan er á leið til Inter. AFP

Belgíski miðjumaðurinn Radja Nainggolan hefur staðist læknisskoðun hjá Inter og mun hann ganga í raðir félagsins frá Roma, þar sem hann hefur verið í lykilhlutverki síðan árið 2014. 

Nainggolan hafði verið orðaður við Chelsea að undanförnu, nú er ljóst að hann verður áfram á Ítalíu. Hann spilaði 42 leiki fyrir Roma á síðustu leiktíð og skoraði í þeim sex mörk. Roma hafnaði í þriðja sæti í ítölsku A-deildinni og komst alla leið í undanúrslit Meistaradeildarinnar. 

Þrátt fyrir það var hann ekki valinn í leikmannahóp belgíska landsliðsins á HM í Rússlandi. Nainggolan var allt annað en sáttur og gagnrýndi Roberto Martinez landsliðsþjálfara harðlega áður en hann tilkynnti að hann væri hættur að leika með landsliðinu. 

mbl.is