Kólumbíski landsliðsmaðurinn Juan Cuadrado, leikmaður Ítalíumeistara Juventus, ætlar að eftirláta Cristiano Ronaldo treyju númer 7 hjá félaginu en sjöan hefur verið vörumerki portúgölsku stórstjörnunnar sem í vikunni samdi við Juventus.
Cuadrado hefur spilað í treyju númer 7 hjá Juventus síðustu tímabilin en hann hefur nú ákveðið að leyfa Ronaldo að spila í treyju með uppáhaldsnúmeri sínu.
„Það er betra að gefa en að þiggja. Blessun til Ronaldo í þessu nýja ævintýri,“ skrifar Cuadrado á Instagram-síðu sína.
Ronaldo mun gangast undir læknisskoðun hjá Juventus á mánudaginn og verður eftir það formlega kynntur til leiks hjá félaginu. Samningur hans til fjögurra ára og mun hann fá sem svarar 72 milljónum króna í laun á viku sem er fjórum sinnum hærri upphæð en næst launahæsti leikmaður félagsins mun fá.
<div> <div></div> </div><a href="https://www.instagram.com/p/BlGYvuLF_sA/" target="_blank">Más bienaventurado es dar que recibir; bendiciones 🙏🏾Panita @cristiano en esta nueva aventura 💪🏾💪🏾#finoallafine #forzajuve🏳️🏴</a>
A post shared by <a href="https://www.instagram.com/cuadrado/" target="_blank"> Juan Cuadrado</a> (@cuadrado) on Jul 11, 2018 at 10:29am PDT