Iker Casillas, fyrrverandi fyrirliði spænska knattspyrnufélagsins Real Madrid, kom Loris Karius, markmanni Liverpool, til varnar á dögunum. Karius gerði sig sekan um tvenn slæm mistök í úrslitum Meistaradeildarinnar í maí sem kostuðu Liverpool leikinn. Þá hefur Þjóðverjinn haldið uppteknum hætti á undirbúningstímabilinu og gert sinn skerf af mistökum, stuðningsmönnum Liverpool til mikillar mæðu.
Hann hefur mátt þola mikla gagnrýni, aðallega á samfélagsmiðlum, þar sem honum hefur verið úthúðað nánast daglega frá úrslitaleiknum í Kiev í Meistaradeildinni. Casillas kom honum til varnar á dögunum og bað fólk vinsamlegast um að láta hann í friði en spænski markmaðurinn virti myndband á Twitter í gær af sínum stærstu mistökum á ferlinum til þess að sýna Karius samhug.
„Á bakvið allar manneskjur er einstaklingur. Vinsamlegast réttið upp hönd ef þið hafið aldrei gert mistök á lífsleiðinni. Mistök eru til þess að læra af þeim og þau gera okkur að betri manneskjum," sagði Casillas á Twitter.
Detrás de cada uno de nosotros, hay una persona. Que levante la mano quien no haya fallado alguna vez. Aprender de nuestros errores nos hará más fuertes y aceptarlos más humanos. #yotambienfallo pic.twitter.com/jwLOdicfTh
— Iker Casillas (@IkerCasillas) July 24, 2018