Denis Denis Cheryshev, stjörnuleikmaður Rússlands á HM í fótbolta í sumar, hefur verið hreinsaður af ásökunum um að hann hafi notað ólögleg efni í aðdraganda heimsmeistaramótsins.
Spænska lyfjaeftirlitið greindi frá þessu í dag en það fann engar vísbendingar um að Cheryshev hefði notað ólögleg efni og hefur málinu verið lokað að þess hálfu. Rússneski framherjinn gekk í raðir spænska liðsins Valencia í síðasta mánuði en hann er í láni þar frá Villareal.
Cheryshev skoraði fjögur mörk fyrir Rússa í fimm leikjum á HM en gestgjafarnir komu mjög á óvart á mótinu með því að komast í 8-liða úrslitin.