Tímabilið hefur ekki byrjað vel hjá Emil Hallfreðssyni og samherjum hans í Frosinone í ítölsku A-deildinni í knattspyrnu.
Nýliðarnir eru aðeins með eitt stig eftir fimm leiki í deildinni og það sem verra er að liðinu hefur enn tekist að skora mark.
Þetta er í fyrsta sinn frá leiktíðinni 1998-99 sem lið skorar ekki í fyrstu fimm leikjum sínum í deildinni en það gerði lið Venezia.
Frosinone tapaði 2:0 fyrir meisturunum í Juventus á sunnudaginn þar sem Cristiano Ronaldo skoraði fyrra mark Juventus. Alls hefur Ronaldo átt 42 marktilraunir í fyrstu fimm leikjum sínum með Juventus, fjórum meira en allt lið Frosinone.
Emil og félagar sækja Roma heim í deildinni annað kvöld en Roma hefur farið illa af stað og er í 14. sæti með aðeins einn sigur í fyrstu fimm umferðunum.