Martin O’Neill og aðstoðarmaður hans, Roy Keane, hafa látið af störfum sem landsliðsþjálfarar Íra í knattspyrnu en þetta var ákveðið á fundi þeirra með stjórn írska knattspyrnusambandsins í gærkvöld.
Írar unnu ekki leik í riðli sínum í B-deild Þjóðadeildar UEFA í knattspyrnu og höfnuðu í neðsta sæti riðilsins með 2 stig. Þeir hafa aðeins unnið einn af síðustu 11 leikjum sínum en O’Neill hefur verið við stjórnvölinn undanfarin fimm ár.
Undir stjórn Martin O'Neill komust Írar í úrslitakeppni Evrópumótsins í Frakklandi árið 2016 en þeir töpuðu í umspili fyrir Dönum um sæti á HM í Rússlandi í sumar.
Martin O'Neill has left his role as Republic of Ireland manager by mutual consent. More here: https://t.co/FWNqpt61fC pic.twitter.com/BOeXw3T8rd
— Sky Sports News (@SkySportsNews) November 21, 2018