Real Madrid beið sinn versta ósigur á heimavelli í Evrópukeppni frá upphafi þegar liðið tapaði fyrir Íslendingaliðinu CSKA Moskva 3:0 í lokaumferð riðlakeppni Meistaradeildar Evrópu í kvöld.
Arnór Sigurðsson og Hörður Björgvin Magnússon áttu báðir skínandi leik í liði CSKA Moskva. Hörður Björgvin var klettur í hjarta varnarinnar og Arnór skoraði eitt mark og lagði upp annað. Þetta var fyrsta tap Real Madrid á heimavelli í riðlakeppni Meistaradeildarinnar frá því liðið tapaði 2:3 fyrir AC Milan í október 2009.
CSKA Moskva er fyrsta liðið í 10 ár sem vinnur Real Madrid heima og að heiman í Meistaradeildinni en rússneska liðið hafði betur á heimavelli 1:0.
Þrátt fyrir sigurinn í kvöld endaði CSKA Moskva í neðsta sætinu í riðlinum og hefur lokið keppni í Evrópukeppninni á þessu tímabili.
ℹ️ CSKA Moskva inflict Real Madrid's heaviest ever European home loss...
— UEFA Champions League (@ChampionsLeague) December 12, 2018
🔴🔵 Chalov, Schennikov, Sigurdsson 💪#UCL pic.twitter.com/XxCubCPcUP