Real Madrid er komið upp í þriðja sæti spænsku 1. deildarinnar í fótbolta eftir 1:0-heimasigur á Rayo Vallecano í 16. umferðinni í dag. Karim Benzema skoraði sigurmarkið á 13. mínútu.
Real Madrid var heilt yfir mun sterkari aðilinn í leiknum, en Vallecano var nálægt því að jafna í uppbótartíma. Thibaut Courtois í marki Madrid varði hins vegar frá Alex Alegria og Emiliano Velazquez í blálokin og tryggði sínum mönnum þrjú stig.
Madrídingar eru með 29 stig, tveimur stigum minna en topplið Barcelona sem á leik til góða gegn Levante á morgun.