Georgina Rodriguez, kærasta Cristiano Ronaldo, gat ekki haldið aftur af tárunum þegar hún sá Ronaldo skora þriðja mark sitt og tryggja Juventus farseðilinn í átta liða úrslitin í Meistaradeild Evrópu í knattspyrnu í gærkvöld.
Rodriguez var á Allianz Stadium og hún hélt niðri í sér andanum þegar Ronaldo steig á vítapunktinn á 86. mínútu. Eftir að hafa þrumað knettinum í netmöskvana grét unnusta portúgalska fótboltasnillingsins og Cristiano Junior, átta ára sonur Ronaldos, fagnaði ógurlega þegar hann sá föður sinn fullkomna þrennuna en þetta má sjá í meðfylgjandi myndskeiði.