Liverpool datt í lukkupottinn þegar dregið var til átta liða úrslitanna í Meistaradeild Evrópu í knattspyrnu og var fylgst með drættinum í beinni textalýsingu hér á mbl.is.
Liverpool dróst á móti Porto í átta liða úrslitunum en flest liðin sem eftir eru í keppninni vildu mæta portúgölsku meisturunum. Slái Liverpool lið Porto úr leik mætir það sigurvegaranum í viðureign Barcelona og Manchester United í undanúrslitunum.
Drátturinn varð þessi:
Ajax - Juventus
Liverpool - Porto
Tottenham - Manchester City
Barcelona - Manchester United
Fyrri leikir í átta liða úrslitunum verða spilaðir 9. og 10. apríl og síðari leikirnir 16. og 17. apríl.
Þá var einnig dregið til undanúrslitanna:
Tottenham/Man.City - Ajax/Juventus
Barcelona/Man.Utd - Liverpool/Porto
Fyrri leikirnir í undanúrslitunum verða spilaðir 30. apríl og 1. maí og seinni leikirnir viku síðar.