Barcelona í vænlegri stöðu

Barcelona er í góðum málum.
Barcelona er í góðum málum. AFP

Barcelona er í vænlegri stöðu eftir 3:0-sigur á Lillestrøm í fyrri leik liðanna í átta liða úrslitum Meistaradeildar kvenna í fótbolta í kvöld.

Enska landsliðskonan Toni Duggan skoraði tvö fyrstu mörk Barcelona á fyrstu 24 mínútunum og Mariona Caldentey bætti við þriðja markinu úr víti á 36. mínútu og þar við sat. 

Slavia Prag náði í gott 1:1-jafntefli við Bayern München á heimavelli. Fridolina Rolfö kom Bayern yfir á 62. mínútu en Katerina Svitkova jafnaði fyrir Slavia á 72. mínútu. Seinni leikir einvígjanna fara fram á miðvikudag eftir viku. 

mbl.is
Fleira áhugavert
Fleira áhugavert