Evrópska knattspyrnusambandið hefur kært Svartfellinga vegna hegðunar stuðningsmanna þeirra í 5:1-tapi fyrir Englandi á heimavelli sínum í undankeppni EM 2020 í gærkvöldi. 

Einhverjir stuðningsmenn gerðu apahljóð að hörundsdökkum leikmönnum enska landsliðsins og mátti heyra það augljóslega er Danny Rose, leikmaður Tottenham, fékk gult spjald í uppbótartíma. 

UEFA kærir Svartfellinga fyrir fimm brot. Stuðningsmenn voru með ólæti, kveiktu í flugeldum, köstuðu aðskotahlutum, voru með kynþáttaníð og stóðu í stigagöngum og komu í veg fyrir að aðrir stuðningsmenn kæmust leiðar sinnar. 

Tengdar fréttir

EM 2020

Þétt setið á ölhúsum meðan á leik stóð

• „Hjartað er báðum megin“
• Kolbeinn jafnaði markametið
• Leikur Englands stöðvaður í tvígang vegna kynþáttaníðs
• Stoltir af okkar fótbolta

» Fleiri tengdar fréttir

• Blogga um frétt