Bayern í bikarúrslit

Robert Lewandowski fagnar sigrinum í kvöld.
Robert Lewandowski fagnar sigrinum í kvöld. AFP

Pólverjinn Robert Lewandowski skoraði tvívegis þegar Bayern München sigraði Werder Bremen 3:2 eftir sveiflukenndan leik á Weserstadion í undanúrslitum þýsku bikarkeppninnar í knattspyrnu. 

Bayern mætir RB Leipzig í úrslitum sem vann HSV 3:1 í hinum undanúrslitunum í gær. 

Lewandowski og Thomas Müller komu Bayern í 2:0 í kvöld en þeir Yuya Osako og Milot Rashica jöfnuðu fyrir Bremen með mörkum á 74. og 75. mínútu. 

Lewandowski skoraði sigurmarkið úr vítaspyrnu á 80. mínútu. 

Aron Jóhannsson er ekki leikfær hjá Werder Bremen. 

mbl.is
Fleira áhugavert
Fleira áhugavert