Íslendingaliðið Rostov náði ekki að komast í bikarúrslitaleikinn í Rússlandi en liðið tapaði fyrir Lokomotiv Moskva 2:0 á heimavelli í síðari viðureign liðanna í undanúrslitunum í kvöld.
Liðin skildu jöfn í fyrri leiknum 2:2 og Lokomotiv Moskva vann því einvígið 4:2. Ragnar Sigurðsson lék allan tímann í vörn Rostov en Björn Bergmann Sigurðarson sat allan tímann á bekknum.