Ajax tvöfaldur meistari
Setja bókamerki
Hið skemmtilega lið Ajax, sem var nokkrum sekúndum frá því að komast í úrslitaleik Meistaradeildar Evrópu, lauk keppnistímabilinu á góðum nótum í gær.
Ajax tryggði sér sigur í hollensku deildinni í gær og sigraði því tvöfalt á keppnistímabilinu en liðið hafði áður tryggt sér bikarmeistaratitilinn. Ajax varð nú hollenskur meistari í 34. sinn.
Leikurinn í gær var sá síðasti sem tengiliðurinn Frenkie de Jong spilar fyrir Ajax en Barcelona hefur fest kaup á honum. Greiða Katalónarnir 65 milljónir evra fyrir Hollendinginn.
Varnarmaðurinn og fyrirliðinn Matthijs de Ligt er einnig sterklega orðaður við Barcelona. Hann er einungis 19 ára gamall. Fari hann einnig frá félaginu velta margir því fyrir sér hvort Ajax geti haldið sama dampi á næsta keppnistímabili. Liðið hefur ekki verið svo nærri því að komast í úrslit Meistaradeildarinnar síðan liðið tapaði þar árið 1996. Ajax fór hins vegar í úrslit Evrópudeildarinnar árið 2017 en tapaði þar fyrir Manchester United.
Í bikarúrslitaleiknum 5. maí vann Ajax stórsigur á Willen II í úrslitaleiknum 4:0.
Skiptir miklu meira máli en fólk grunar
Handtekin eftir að tvö börn fundust látin
Handteknir eftir myndatöku í Vesturbæjarlaug
Skar höfuðleðrið af íslenskri konu
Skemmtiferðaskip hætt komið nærri Viðey
„Á réttri leið en nokkuð í land ennþá“
Árshátíð ríkislögreglustjóra haldin í Tékklandi
Tveir í bílnum sem lenti utan vegar