Hermann Hreiðarsson er í viðræðum við enska D-deildarliðið Macclesfield um að verða aðstoðarmaður Sol Campbells, stjóra liðsins. Þetta kemur fram á vefsíðunni 433.is.
Hermann og Campbell léku saman með Portsmouth á sínum tíma en Campbell tók við stjórastarfinu hjá Macclesfield í desember og tókst að forða félaginu frá falli.
Hermann hefur þjálfað karlalið ÍBV og Fylkis og kvennalið Fylkis og þá var hann um tíma aðstoðarmaður David James hjá Kerala Blasters í Indlandi en lét þar af störfum á síðasta ári.