Valsmenn geta farið að horfa til 2. umferðar Evrópudeildarinnar í fótbolta því eftir skell á heimavelli gegn slóvensku meisturunum Maribor, 0:3, á Hlíðarenda í gærkvöld eru möguleikar þeirra á að fara lengra í Meistaradeildinni nánast að engu orðnir.
Í Evrópudeildinni myndu þeir þá mæta tapliðinu úr einvígi Ferencváros frá Ungverjalandi eða Ludogorets Razgrad frá Búlgaríu en Ferencváros vann fyrri leikinn í gær á sínum heimavelli, 2:1.
Valsmenn spiluðu fyrri hálfleikinn af mikilli skynsemi og voru í raun óheppnir að vera undir í hálfleik. Valsarar lágu vel til baka og leyfðu Slóvenunum að vera með boltann. Leikmönnum Maribor gekk afar illa að finna opnanir á þéttri vörn Valsara og í þau fáu skipti sem Slóvenarnir komust upp að endamörkum Valsliðiðsins klikkaði fyrirgjöfin og Valsmenn voru fljótir að koma boltanum frá marki.
Sjá greinina í heild sinni á íþróttasíðum Morgunblaðsins í dag