Tottenham hafði betur gegn Juventus þegar liðin mættust í skemmtilegum leik á alþjóðlega mótinu Champions Cup í Singapúr í dag. Lokatölur urðu 3:2 og skoraði Harry Kane ótrúlegt sigurmark í uppbótartíma.
Érik Lamela skoraði eina mark fyrri hálfleiksins er hann kom Tottenham yfir eftir hálftíma leik. Gonzalo Higuaín kom inn á sem varamaður hjá Juventus í hálfleik og hann jafnaði metin á 56. mínútu.
Cristiano Ronaldo kom Juventus yfir fjórum mínútum síðar en fór svo af velli á 63. mínútu. Tottenham-menn voru fljótir að nýta sér það, því Lucas Moura jafnaði á 65. mínútu.
Það benti allt til þess að liðin myndu skilja jöfn, en Harry Kane skoraði þriðja mark Tottenham í blálokin með stórkostlegu skoti nálægt miðlínunni.