Viðar og félagar upp í Evrópusæti

Rubin Kazan hafði betur gegn Arsenal Tula er liðin mættust í rússnesku úrvalsdeildinni í fótbolta í Kazan í dag, 1:0. 

Viðar Örn Kjartansson var í byrjunarliði Rubin Kazan og lék Selfyssingurinn allan leikinn í framlínunni. Hann hefur nú leikið fimm leiki með Kazan og skoraði í þeim eitt mark. 

Liðið er í fimmta sæti deildarinnar með tíu stig eftir sex leiki, en fimmta sætið gefur þátttökurétt í undankeppni Evrópudeildarinnar á næstu leiktíð. 

Næsti leikur Rubin Kazan er á útivelli gegn Ragnari Sigurðssyni og Birni Bergmann Sigurðarsyni og liðsfélögum þeirra í Rostov. 

• Blogga um frétt