Maurizio Sarri, knattspyrnustjóri Juventus, verður ekki á hliðarlínunni í fyrstu tveimur umferðum ítölsku A-deildarinnar vegna veikinda. Sarri greindist með lungnabólgu á dögunum.
Juventus mætir Parma í 1. umferðinni um helgina og Napoli í 2. umferðinni helgina á eftir. Sarri er hressari nú en þegar hann fyrst greindist með sjúkdóminn og er á batavegi.
Sarri heimsótti æfingasvæði Juvetnus í dag, þrátt fyrir veikindin, en hann stýrði ekki æfingu liðsins. Sarri tók við stjórn Juventus í sumar, eftir að hann yfirgaf enska félagið Chelsea eftir eitt tímabil.