Katarska knattspyrnufélagið Al-Arabi tilkynnti fyrir stundu að Aron Einar Gunnarsson landsliðsfyrirliði Íslands hefði ekki ökklabrotnað í leiknum gegn Al Khor í kvöld eins og óttast var.
Aron var borinn af velli undir lok leiksins eftir að brotið var illa á honum og hætta var talin á að ökklinn hefði brotnað.
„Fyrsta skoðun leiddi í ljós að Aron Gunnarsson væri ekki ökklabrotinn," segir í stuttri og einfaldri twitter-færslu hjá Al-Arabi.
Það kemur síðan í ljós á næstu sólarhringum hvort Aron verði leikfær þegar Ísland mætir Frakklandi og Andorra á Laugardalsvellinum í undankeppni EM 11. og 14. október.
Al-Arabi, undir stjórn Heimis Hallgrímssonar, er komið með 13 stig eftir fyrstu fimm leikina og hefur tapað fæstum stigum allra í deildinni en er stigi á eftir toppliðinu Al Duhail.
كشفت الفحوصات الأولية عدم إصابة اللاعب أرون غونارسون بأي كسر في الكاحل
— Al-Arabi Sports Club (@alarabi_club) October 4, 2019
على أن تستكمل الفحوصات والأشعة المغناطيسية يوم الأحد في اسبيتار