Birkir Bjarnason er búinn að skrifa undir þriggja mánaða samning við lið Al-Arabi en landsliðsmanninum er ætlað að fylla skarð landsliðsfyrirliðans Arons Einars Gunnarssonar.
Frá þessu er greint á twitter-síðu Al-Arabi en þar kemur fram;
„Íslenski miðjumaðurinn Birkir Bjarnason hefur skrifað undir þriggja mánaða samning við Al-Arabi. Hann mun koma í stað landa síns Arons Gunnarsson sem er meiddur. Leikmaðurinn verður í treyju númer 67.“
Birkir mun væntanlega spila sinn fyrsta leik með Al-Arabi á sunnudaginn þegar liðið tekur á móti Al Gharafa en sem kunnugt er þjálfar Heimir Hallgrímsson, fyrrverandi landsliðsþjálfari, lið Al-Arabi.
وقع اللاعب “بيركير بيارناسون” لاعب وسط منتخب أيسلندا مع فريق كرة القدم بالنادي #العربي الرياضي بعقد لمدة ثلاثة أشهر. وبذلك سوف يحل بدلاً من مواطنه المصاب أرون غونارسون لدعم خط وسط فريقنا العرباوي. وسيرتدي اللاعب القميص الذي يحمل الرقم “67” 🔴⚪️ pic.twitter.com/OCuPTETx98
— Al-Arabi Sports Club (@alarabi_club) October 16, 2019