Knattspyrnumaðurinn Zlatan Ibrahimovic gæti lagt skóna á hilluna eftir að tímabilinu hjá bandaríska liðinu LA Galaxy lýkur, nú í október eða í næsta mánuði.
Zlatan er 38 ára gamall og skoraði 62 mörk í 116 leikjum með sænska landsliðinu. Hann hefur spilað með mörgum af stærstu og bestu liðum heims á 20 ára atvinnumannaferli og þar má nefna Juventus, Barcelona, Manchester United og Paris SG.
Úrslitakeppnin í bandarísku atvinnumannadeildinni hefst um helgina og sagði sænska ofurstjarnan við fjölmiðla að það „gætu orðið hans síðustu leikir,“ en the Sun greinir frá þessu.
„Það tók mig þrjá mánuði að sýna öllum hérna hver ég er. Það var áskorunin og ég skorast aldrei undan. Tíma mismunurinn er hins vegar of mikill þar sem fjölskylda mín býr í Svíþjóð, ég hef aðeins stuttan tíma til að ná sambandi við þau.“