Aaron Ramsey, leikmaður Juventus, hefur beðið liðsfélaga sinn Cristiano Ronaldo afsökunar fyrir að stela af honum marki í 2:1-sigri liðsins á Lokomotiv Moskvu í Meistaradeild Evrópu í fótbolta í gær.
Boltinn var á leiðinni inn í markið eftir skot frá Ronaldo, en Ramsey potaði honum inn, nánast af línunni. Í leiðinni kom hann í veg fyrir að Ronaldo setti nýtt met yfir flesta andstæðinga sem einn leikmaður hefur skorað á móti í keppninni.
„Ég misskildi stöðuna og hélt að markmaðurinn gæti enn náð til boltans. Ég vildi bara vera viss um að við myndum skora. Ég bað Cristiano afsökunar,“ sagði Ramsey eftir leikinn.