Sænska fótboltastjarnan Zlatan Ibrahimovic hefur staðfest brottför sína frá bandaríska liðinu Los Angeles Galaxy en hefur ekki gefið það út hvað tekur við hjá honum eða hvort skórnir séu komnir á hilluna.
Zlatan, sem hefur spilað með LA Galaxy undanfarin tvö ár, greindi frá þessu í Twitter-færslu.
„Ég kom, sá og sigraði. Til stuðningsmanna LA Galaxy — þið vilduð Zlatan og þið fenguð Zlatan. Sagan heldur áfram og farið nú aftur að horfa á hafnabolta,“ skrifaði Zlatan á Twitter.
Zlatan, sem er 38 ára gamall, skoraði 53 mörk í 56 leikjum með LA Galaxy. Hann hefur verið sterklega orðaður við ítalska liðið AC Milan sem hann lék með frá 2010 til 2012 og skoraði 42 mörk í 61 deildarleik.
I came, I saw, I conquered. Thank you @lagalaxy for making me feel alive again. To the Galaxy fans - you wanted Zlatan, I gave you Zlatan. You are welcome. The story continues...Now go back to watch baseball pic.twitter.com/kkL6B6dJBr
— Zlatan Ibrahimović (@Ibra_official) November 13, 2019