Lærisveinar Heimis Hallgrímssonar hjá katarska knattspyrnuliðinu Al-Arabi gerðu í dag 1:1-jafntefli við Qatar SC í deildabikarnum. Al-Arabi er í fínum málum í riðlinum eftir úrslitin.
Efstu fjögur liðin í sex liða riðlum fara áfram í næstu umferð og er Al-Arabi er þriðja sæti með fimm stig, tveimur stigum á eftir Al Khor og Qatar SC sem eru í tveimur efstu sætunum þegar tvær umferðir eru eftir í riðlinum.
Birkir Bjarnason lék allan leikinn með Al-Arabi. Aron Einar Gunnarsson er enn frá vegna meiðsla, en Birkir var fenginn til Al-Arabi á samningi út árið, til að leysa landsliðsfyrirliðann af hólmi.
Eftir góða byrjun á tímabilinu hefur Al-Arabi aðeins unnið einn af síðustu sjö leikjum í öllum keppnum.