Færeyska knattspyrnusambandið tilkynnti fyrir stundu að Håkan Ericson frá Svíþjóð yrði næsti landsliðsþjálfari karla en hann tekur við af Lars Olsen frá Danmörku.
Guðjón Þórðarson, sem þjálfaði NSÍ Runavík í Færeyjum á síðasta tímabili en sagði upp að því loknu, var einn þeirra sem komu til greina í starfið.
Ericson er 59 ára gamall og hefur m.a. þjálfað sænska 21-árs landsliðið sem varð Evrópumeistari undir hans stjórn.