Napoli vann sinn fyrsta sigur í ítölsku A-deildinni síðan 22. desember er liðið vann óvæntan 2:1-sigur á Juventus á heimavelli í kvöld.
Piotr Zielinski kom Napoli yfir á 63. mínútu, áður en Lorenzo Insigne tvöfaldaði forskotið á 86. mínútu. Cristiano Ronaldo lagaði stöðuna fyrir Juventus á lokamínútunni og þar við sat.
Þrátt fyrir tapið er Juventus með þriggja stiga forskot á Inter, en Napoli er í 12. sæti með 27 stig.