Jasmina Schweimler, þýsk íþróttafréttakona sem fjallar mikið um meistaralið Wolfsburg í þýska fótboltanum og skrifar fyrir íþróttamiðilinn The Athletic, segir að það verði mikið áfall fyrir Þýskalandsmeistarana að missa Söru Björk Gunnarsdóttur eftir þetta tímabil.
„Sara Björk Gunnarsdóttir er einn allra besti varnarmiðjumaður í heiminum í dag og Wolfsburg mun sakna framlags hennar gríðarlega. Hún er líka geysisterkur persónuleiki með alla þá hæfileika sem þarf til að taka þátt í bæði varnarleik og sóknarleik. Þetta verður mesti skaðinn fyrir Wolfsburg (og ég er leið yfir þessu),“ skrifaði Schweimler á Twitter í dag.
Sara Björk Gunnarsdottir is one of the absolute best defensive midfielders in the world. Her presence on the field will be deeply missed. Great mentality too with a complete skillset of defensive as well as offensive work. This one will hurt VfL the most (and makes me sad!).
— Jasmina Schweimler (@JasSchweimler) January 28, 2020