Spænska íþróttafélagið Real Madríd staðfesti í dag að leikmenn og þjálfarateymi körfu- og fótboltaliða félagsins hefðu samþykkt launalækkanir, á milli 10 og 20 prósent.
Real er þriðja risafélagið á Spáni sem lækkar laun leikmanna en Barcelona og Atlético Madríd höfðu einnig samið við leikmenn sína um launalækkanir.
„Leikmenn og þjálfarar knattspyrnu- og körfuboltaliðsins samþykktu lækkun launa á milli 10 og 20 prósent. Með því komum við í veg fyrir erfiðar ákvarðanir varðandi annað starfsfólk félagsins,“ segir m.a. í yfirlýsingu félagsins.