Sænski framherjinn Zlatan Ibrahimovic gerði lítið annað en að drulla yfir hrædda liðsfélaga sína í leik með Los Angeles Galaxy að sögn Florians Jungwirths, leikmanns San Jose Earthquakes, en hann mætti Zlatan og félögum í LA Galaxy á fyrri leiktíð Svíans í Bandaríkjunum.
Ibrahimovic var í tvö tímabil með Galaxy í Bandaríkjunum, áður en hann fór til AC Mílan í janúar. Þjóðverjinn Jungwirth var spurður út í þá reynslu að mæta Zlatan, en hann leyfði aðdáendum að spyrja sig spurninga á Twitter.
„Ég mæti Zlatan fyrst árið 2018 og hann gerði lítið annað en að drulla yfir liðsfélaga sína, sem voru skíthræddir við hann. Hann var öskrandi þá í 90 mínútur og það var fyndið. Hann var eins og pabbi að skamma börnin sín,“ rifjar Jungwirth upp.
Hann passaði sig sjálfur að gefa Zlatan ekki færi á að rífast við sig. „Ég forðaðist að rífast við hann, því það hefði bara kveikt í honum,“ sagði Þjóðverjinn.