Michael Zorc, yfirmaður íþróttamála hjá þýska knattspyrnuliðinu Dortmund, hefur staðfest að Mario Götze muni yfirgefa félagið í sumar. Þetta kemur fram á Twitter-reikningi Dortmund:
🎙 Zorc prematch presser:
— Borussia Dortmund (@BlackYellow) May 23, 2020
“We will part ways with Mario Götze this summer. It was a mutual and respectful decision. Mario is a great man.” pic.twitter.com/XHcvuRsOrQ
„Mario Götze mun yfirgefa okkur í sumar. Ákvörðunin var tekin í sameiningu og af gagnkvæmri virðingu. Mario er frábær einstaklingur,“ var haft eftir Zorc.
Götze hefur að undanskildum þremur árum hjá Bayern München spilað allan sinn feril hjá Dortmund.
Á þessari leiktíð hefur spiltími kappans orðið minni en fyrr í dag sagði Lucien Favre, að Götze henti ekki leikstíl liðsins.
Samningur Götze rennur út í sumar og þar með getur hann farið á frjálsri sölu á sinn næsta áfangastað en hann verður 28 ára gamall í júní.