Knattspyrnufélögin í efstu tveimur deildunum á Spáni mega byrja að æfa án takmarkana frá og með mánudeginum og í fyrsta sinn síðan samkomubann var sett á vegna kórónuveirufaraldursins í mars.
Hingað til hafa félögin getað æft undanfarnar vikur með alls kyns takmörkunum; leikmenn hafa þurft að æfa í litlum hópum og þá hefur snerting verið lágmörkuð. Ekkert hefur verið keppt á Spáni síðan 12. mars en stefnt er að því að keppni geti hafist aftur 11. júní með leik Sevilla og Real Betis. Barcelona er á toppi deildarinnar, tveimur stigum á undan Real Madríd en 11 umferðir eru eftir.
⚠️ LATEST NEWS! Starting next week, the full squad can train together!! 👏👏👏
— FC Barcelona (from 🏠) (@FCBarcelona) May 30, 2020