Þýsku meistararnir í Wolfsburg eru komnar í undanúrslit bikarkeppninnar og þurftu ekki að hafa mikið fyrir sigrinum í 8-liða úrslitum í dag.
Wolfsburg mætti b-deildarliðinu Gutersloch á útivelli og vann 3:0 þótt íslenski landsliðsfyrirliðinn Sara Björk Gunnarsdóttir væri hvíld ásamt fleiri leikmönnum.
Sandra María Jessen er einnig komin áfram í undanúrslit með Bayer Leverkusen eins og mbl.is greindi frá í gær.
Sandra og Sara mætast ekki í undanúrslitum og gætu því mæst í bikarúrslitaleiknum en hann er ekki á dagskrá fyrr en í byrjun júlí.
Wolfsburg mætir Bielefeld í undanúrslitum og Leverkusen leikur gegn Essen.