Houston Dash og Utah Royals buðu upp á markaveislu er liðin mættust í 1. umferð Áskorendabikars NWSL, bandarísku atvinnumannadeildarinnar í fótbolta, í kvöld. Urðu lokatölur 3:3.
Landsliðskonan Gunnhildur Yrsa Jónsdóttir lék allan leikinn með Utah, en leikið var á Zion Bank-vellinum í Herriman í Utah.
Er Gunnhildur á sínu þriðja ári með Utah, en hún kom til félagsins árið 2018 frá Vålerenga í Noregi. Hefur hún alls leikið 48 með liðinu og skorað í þeim tvö mörk.