Hinn 17 ára gamli Skagamaður Ísak Bergmann Jóhannesson er í liði umferðarinnar í sænsku úrvalsdeildinni í fótbolta.
Ísak var í fyrsta skipti í byrjunarliði Norrköping er liðið vann 4:2-sigur á Östersund á laugardag. Lagði hann upp tvö mörk og er verðlaunað með sæti í úrvalsliðinu.
Ísak var aðeins sextán ára þegar hann spilaði sína fyrstu leiki með Norrköping, en hann lék einn leik með ÍA í 1. deild áður en hann hélt til Svíþjóðar. Hefur hann skorað ellefu mörk í 21 leik með yngri landsliðum Íslands.
Omgångens lag är här ⚽️ pic.twitter.com/Qj1F0QH9WA
— Dplay Sport 🇸🇪 (@Dplay_Sport) June 30, 2020