Gott gengi Juventus í ítölsku A-deildinni í fótbolta hélt áfram í kvöld er liðið lagði Genoa að velli, 3:1, á útivelli.
Eftir markalausan fyrri hálfleik kom Paulo Dybala Juventus í 1:0 á 50. mínútu og aðeins sex mínútum síðar skoraði Cristiano Ronaldo stórglæsilegt mark úr langskoti og tvöfaldaði forskot Juventus. Douglas Costa gulltryggði 3:0-sigur með marki á 73. mínútu.
Lazio er enn fjórum stigum á eftir Juventus en liðið vann 2:1-útisigur á Torino í dag. Andrea Belotti kom Lazio yfir á 5. mínútu en Cirro Immobile og Marco Parolo skoruðu fyrir Lazio í seinni hálfleik.
Juventus er með 72 stig á toppnum og Lazio í öðru sæti með 68 stig. Inter Mílanó kemur þar á eftir með 61 stig.