Brasilíumaðurinn Neymar var valinn maður leiksins er PSG vann dramatískan 2:1-sigur á Atalanta í Meistaradeild Evrópu í fótbolta í kvöld og tryggði sér sæti í undanúrslitum í fyrsta skipti síðan 1995.
Neymar lagði upp jöfnunarmarkið á Marquinhos á lokamínútu venjulegs leiktíma og átti svo stóran þátt í sigurmarki Eric Choupo-Moting í uppbótartíma.
Brasilíski sóknarmaðurinn var hæstánægður með innkomu Choupo-Moting, sem byrjaði á varamannabekknum, því hann gaf Kamerúnanum sigurverðlaunin sín í leikslok, eins og sjá má hér fyrir neðan.
Neymar gave his Man of the Match award to Choupo-Moting 🤗 pic.twitter.com/q19juEI4CN
— B/R Football (@brfootball) August 12, 2020