Heimir Hallgrímsson og landsliðsfyrirliðinn Aron Einar Gunnarsson máttu sætta sig við tap í Katar í dag.
Al-Arabi heimsótti Al-Sailiya sem hafði betur 1:0 og náði að slíta sig þremur stigum frá Al-Arabi í deildinni. Þar er Íslendingaliðið í 6. sæti með 25 stig eftir 21 leik en Al-Sailiya er nú með 28 stig eftir 21 leik.
Al Duhail og Al-Rayyan eru í nokkrum sérflokki í deildinni með 46 og 45 stig.
Aron Einar Gunnarsson lék allan leikinn á miðjunni hjá Al-Arabi í dag.