Bayern skoraði 8 gegn Barcelona
Setja bókamerki
Þýsku meistararnir í Bayern München gersamlega léku sér að öðru stórveldi, FC Barcelona, í 8-liða úrslitum Meistaradeildar Evrópu í knattspyrnu í Lissabon í kvöld.
Bæjarar skoruðu fjögur mörk í hvorum hálfleiks og unnu 8:2. Hreint ótrúlegar tölur en Bayern hefði þess vegna getað skorað fleiri mörk því liðið átti 23 skottilraunir á mark Barcelona.
Thomas Müller skoraði tvívegis fyrir Bayern eins og Philippe Coutinho sem lék þó aðeins síðasta korterið. Coutinho er á lánssamningi hjá Bayern en er í eigu Barcelona.
Robert Lewandowski lét eitt mark duga að þessu sinni en einnig skoruðu þeir Ivan Perisic, Serge Gnabry og Joshua Kimmich.
Luis Suarez skoraði síðara mark Barcelona og minnkaði þá muninn í 2:4 en fyrra markið var sjálfsmark og jafnaði Barcelona þá 1:1 eftir aðeins sjö mínútur.
Bayern mætir annað hvort Manchester City eða Lyon í undanúrslitum. Bayern München lék sér einnig að Chelsea í báðum leikjunum í 16-liða úrslitum og er því á mikilli siglingu í keppninni.
Þrjú og hálft ár fyrir skotárás í Úlfarsárdal
Hafa samþykkt kaup fyrir um 9,2 milljarða
Kvikan virðist nú skiptast til helminga
Kveðst tala af virðingu: „Ég er enginn dóni“
Sat á þaki byggingarinnar þegar eldurinn kviknaði
Segir óábyrgt að skipta út öllu bankaráðinu