Jón Dagur Þorsteinsson, landsliðsmaður í knattspyrnu, er í úrvalsliði dönsku úrvalsdeildarinnar eftir fyrstu umferð deildarinnar sem lauk í gærkvöld en vefsíða deildarinnar hefur birt úrvalslið sitt.
Jón Dagur lék mjög vel og skoraði eitt marka AGF í sigri á Vejle, 4:2, í síðasta leik fyrstu umferðinnar í gærkvöld. Hann er að hefja sitt annað tímabil með Árósaliðinu.