Jóhann Berg Guðmundsson landsliðsmaður í knattspyrnu er byrjaður að æfa á ný með enska úrvalsdeildarliðinu Burnley eftir meiðslin sem hann varð fyrir í leik gegn Sheffield United í enska deildabikarnum fyrr í mánuðinum.
Burnley mætir Manchester City í deildabikarnum annað kvöld og svo Newcastle um helgina. Er óvíst með þátttöku Jóhanns í leikjunum en hann gæti verið í leikmannahópnum gegn Newcastle.
Ísland fær Rúmeníu í heimsókn í umspili um laust sæti á EM 2021 þann 8. október næstkomandi. Gæti Jóhann náð landsleiknum mikilvæga, en sigurliðið mætir annað hvort Ungverjalandi eða Búlgaríu á útivelli í hreinum úrslitaleik um sæti á lokamóti EM.