Pernille Harder sú besta í Evrópu
Setja bókamerki
Pernille Harder frá Danmörku var í dag útnefnd knattspyrnukona ársins í Evrópu, tímabilið 2019-20, í verðlaunahófi UEFA og Samtaka evrópskra íþróttafjölmiðla, ESM, í Sviss.
Harder hefur undanfarin ár leikið með þýska liðinu Wolfsburg og varð með því bæði þýskur meistari og bikarmeistari og fór með því í úrslitaleikinn í Meistaradeild Evrópu í sumar. Eftir það gekk hún til liðs við enska félagið Chelsea.
Hún hafði betur í baráttu við Englendinginn Lucy Bronze og Frakkann Wendie Lenard, leikmenn Lyon í Frakklandi, sem voru í öðru og þriðja sæti í kjörinu.
Jean-Luc Vasseur, þjálfari Evrópu- og Frakklandsmeistara Lyon, varð fyrir valinu sem þjálfari ársins í Meistaradeild kvenna 2019-20 en niðurstaðan í því kjöri var tilkynnt rétt áður en knattspyrnukona ársins var heiðruð.
Ofsóttur innan veggja Boeing
Benda á Samgöngustofu sem bendir út í heim
/frimg/9/40/940831.jpg)
Telur eyðsluna munu rjúka upp úr öllu valdi
„Þögnin er ærandi“
Kvikan virðist nú skiptast til helminga
Kveðst tala af virðingu: „Ég er enginn dóni“