Belgíski markvörðurinn Simon Mignolet tilkynnti á twittersíðu sinni í dag að hann hefði greinst með kórónuveiruna. Mignolet var með belgíska landsliðinu á Íslandi í síðustu viku og lék á Laugardalsvelli í Þjóðadeildinni.
„Því miður greindist ég með Covid-19 í gær. Ég og fjölskylda mín fórum beint í sóttkví en erum öll einkennalaus,“ skrifaði Mignolet á Twitter.
Mignolet er 32 ára gamall og leikmaður Club Brugge í heimalandinu. Hann var áður hjá Liverpool og Sunderland á Englandi.
Ekki er vitað hvort Mignolet hafi smitast í landsliðsverkefninu, eða eftir að því lauk.
Unfortunately I tested positive on Covid-19 yesterday morning. After receiving the result this morning me and my family went in to quarantine immediately. Non of us showed any symptoms so far. 🙏🏻💪🏻💙🖤 #BluvnGoan #YNWA #NoSweatNoGlory pic.twitter.com/O336RC1faA
— Simon Mignolet (@SMignolet) October 18, 2020