Darnell Fisher, leikmaður Preston í ensku B-deildinni í knattspyrnu, gæti átt yfir höfðu sér refsingu frá enska knattspyrnusambandinu eftir atvik sem átti sér stað í leik Preston og Sheffield Wednesday í ensku B-deildinni um helgina.
Leiknum lauk með 1:0-sigri Preston þar sem Tom Barkhuizen skoraði sigurmark leiksins í upphafi síðari hálfleiks.
Fisher greip tvívegis um kynfæri Callum Paterson, miðjumanns Sheffield Wednesday, í leiknum þegar hann var að dekka hann í hornspyrnu.
Dómari leiksins, David Webb, missti af atvikinu en það náðist á myndbandsupptökur og er nú til skoðunar hjá enska sambandinu.
Fisher gæti átt yfir höfði sér þriggja til fimm leikja bann fyrir athæfið.
The FA will look into an incident which appeared to show Preston's Darnell Fisher twice grabbing Callum Paterson's genitals in their win over Sheffield Wednesday.
— Sky Sports News (@SkySportsNews) November 22, 2020