Aron Jóhannsson var á skotskónum fyrir Hammarby þegar liðið fékk Svíþjóðarmeistra Malmö í heimsókn í sænsku úrvalsdeildinni í knattspyrnu í gær.
Leiknum lauk með 2:2-jafntefli en Aron jafnaði metin fyrir Hammarby í stöðunni 1:0 á 35. mínútu.
Aron lék allan leikinn fyrir Hammarby en Arnór Ingvi Traustason var í byrjunarliði Malmö í gær en fór af velli á 67. mínútu fyrir Oscar Lewicki.
Þetta var tólfta mark Arons í sænsku úrvalsdeildinni á tímabilinu og jafnframt hans tólfta mark í aðeins fimmtán leikjum.
Framherjinn hefur byrjað fimmtán leiki í deildinni á tímabilinu og þá hefur hann sjö sinnum komið inn á sem varamaður.
Hammarby er í fimmta sæti deildarinnar með 41 stig þegar tvær umferðir eru eftir af tímabilinu, 4 stigum frá Evrópusæti.