Toni Freixa, forsetaframbjóðandi spænska íþróttafélagsins Barcelona, hefur engan áhuga á því að fá Neymar aftur til félagsins.
Brasilíski knattspyrnumaðurinn hefur verið sterklega orðaður við endurkomu til félagsins, undanfarin ár, en hann gekk til liðs við PSG í Frakklandi sumarið 2017 fyrir tæplega 200 milljónir punda.
Neymar, semer 28 ára gamall, lék með Barcelona í fjögur ár áður en hann hélt til Frakklands og varð tvívegis Spánarmeistari með liðinu, þrívegis bikarmeistari og einu sinni Evrópumeistari.
„Neymar er ekki einu sinni á topp 30 listanum yfir bestu knattspyrnumenn í heiminum í dag,“ sagði Freixa í samtali við Cadena sjónvarpsstöðina.
„Við erum Barcelona og við eigum ekki að þurfa að treysta á ákveðna leikmenn til þess að vinna bikara.
Þetta snýst um liðið og ef ég verð forseti er útilokað að Neymar snúi aftur,“ bætti Freixa við.