Frestað í Madríd vegna stórhríðar

Búið er að fresta leik Atlético Madríd og Athletic Bilbao sem átti að fara fram í dag í efstu deild vegna mikillar hríðar í spænsku höfuðborginni.

Leikmenn og starfslið Athletic gátu ekki ferðast til Madríd vegna veðurs en loka þurfti flugvellinum í dag vegna þess. Ekki er búið að fresta öðrum leikjum í dag en óvíst er hvort viðureign Osasuna og Real Madríd geti farið fram í kvöld.

Atlético er á toppi spænsku deildarinnar með 38 stig eftir 15 leiki, tveimur stigum á undan nágrönnum sínum í Real sem hafa þar að auki spilað 17 leiki.

Mikil snjókoma hefur verið í Madríd. AFP

• Blogga um frétt